2. AS "FERRAMIENTAS Y TREBALLOS" D’O TLA 

As "Ferramientas y treballos" d’o TLA son una serie de publicazions, tanto en papel como en CD-Rom, que irán fendo-se y dando á conoxer seguntes abanze o proyeuto. Se tratará de diferens produtos semielaboratos, treballos parzials, endizes y repertorios, ezetra, que suposan, bien una ferramienta que fa onra ta aduyar a abanzar enta debán en o proyeuto, fazilitando bel trango u prozeso metodoloxico, bien bella elaborazión parzial produzita á partir de os datos contenitos en una calendata determinata en a base de datos.

En cualsiquier caso, se trata de decumentos de treballo entre os que irán amanexendo amás de bellas obras complementarias y d’apoyo os produtos concretos á que baigan dando naxedura en diferens fases de o proyeuto que, por más que sigan parzials u profesionals, entre que no se completen todas as fases y se interrelazionen os datos, pueden ofrexer intrés y fer onra á muita chen.

O primer lumero de a serie "Ferramientas y treballos" ye Fuens lesicograficas de l’aragonés (Uesca, 1998).

O segundo lumero y o Endize de bocables de l’aragonés seguntes os repertorios lesicos de lugars y redoladas de l’Alto Aragón (Uesca, 1999)







Corre.gif (2215 bytes)